Dora Drechsel (geb. Sieber; gesch. Herrberger) - unsere Stammmutter - 79 Jahre

12.11.1999 --> 79. Geburtstag von Mutti

(gefeiert in Zwönitz in ihrer Wohnung, da wurde auch gesungen
(Melodie: "Do drübn un do draußn…
Holla di hio…
Vorsänger Jürgen - Refrain von allen)

- In Zwänz do weit draußen, hot s' Dorle sich gut eigelabt,
se hot viele Freinde und schreibt fürs "Zwänzer Blatt".
Zen Gebortstich wird 'r viel gratuliert
un in Senioren-Club tanzt se 4 Stunden wie geschmiert.
Holla di hio, holla di ho.
- In Zwänz net weit draußen, an rauschendem Bach,
do wuhnt itze de Mutti, se verschtieht fei ihr Fach.
Se singt und reimt, wie's kaaner net ka,
un en Schwung Verehrer – dan hot sa a!
Holla di hio, holla di ho.
- Hier hinne in Schtiebel, do is gemietlich un warm.
Do gibt’s wos ze trinken un a wos fürn Darm.
Su feiern mr dan 79. von daare Maad,
Gott sei dank is se noch immer guut in Staat.
Holla di hio, holla di ho.
- Unnre Mutti, Oma un gutes Uromalein,
se lebe hoch und noch sehr lang obendrein.
Se hot sich für uns gemieht ihr ganzes Labn,
do wolln mr garn zurück ihr wos gabn!
Holla di hio, holla di ho.
- De Gäste heit kame zen Geborstich aus Ost un aus West,
dä mr wissen doch alle, se is unnre Best!!
Se is unner Vorbild, dos kam mr laut singe.
Möcht' se noch viele Gahr lachen, tanzen un springe!!!
Holla di hio, holla di ho.
- In Zwänz do weit draußen, wu mr net maust un net klaut,
do hobn Bernd und Brigitte ihr Haisel gebaut,
do labn se nu drinne, gelicklich un fruh,
mit Hünd'n, Katz'n, Schoof, Ziegn un en Esel drzu.
Holla di hio, holla di ho.
- In Zwänz do weit draußen, wu's schneit un wu's stiebt,
do ward der Jörg von dr Bea geliebt.
Wie in Lotto gewonne, su gut is sei Lus,
se zinne bestimmt mol fünf Kinnerle gruß!
Holla di hio, holla di ho.
- In Zwänz-Lenkersdorf do weit draußen, wu's blitzt un wu's kracht,
warn von Mitsubishi-Jan Wunner vollbracht.
Mr brengt en Japaner dortn naus,
in zwee Togn macht'r n Mercedes fei draus.
Holla di hio, holla di ho.
- Do hinne in Stiebel in unnern klen Kreis, do sei a paar Drasdner,
die machen sich a garn noch Zwänz of de Reis.
De Haike ward immer schenner, dos ka m'r gut sah.
Se is ihrn zwee Kinnern de beste Mama!!!
Holla di hio, holla di ho.
- In Drasdn do draußen is alles modern, do wuhnt unnre Lisa,
mr hobn se fei gern!
Se socht schu "nunu" und tanzt in Balett,
lernt in dr Schul gut un gieht zeitig ins Bett.
Holla di hio, holla di ho.

- Un unner dr Lernbank, mit freindling Gekrah,
do liegt unner Klaanster mit de dicksten Bah!
Dr Jannis biegt mol Hufeisen wie's der August gemacht
un ward dr neie Sachsen-Kenig, dos wär doch gelacht.
Holla di hio, holla di ho.
- In Sachsen do draußen, wu Genich Gurt regiert,
mit Scheib-Haisln Micha de Stadteln verziert.
Sachsn wird zr Weltmacht mit su en Gung, un Sächsisch Weltsproch,
mir liegt's a schu of der Zung.
Holla di hio, holla di ho.
- Als a de Lausitz von Bundskanz Kohl wuhr gestiermt,
do is dr Jürgen noch Belgien getiermt.
Net grod 's afachste is dortn sei Labn,
drim ins Arzgebirg kimmt garn 'r eham!!
Holla di hio, holla di ho.

- Von Belgien do draußen, wu's streikt un wu's mordt,
do ka 'r als Rentner arscht wieder fort!
Seine Kinner die kriegt 'r wenig ze sah,
se wohne weit verstreit und schuften fei a!!!
Holla di hio, holla di ho.
- In Belgien draußen, wu's oft nass is un grau,
do hilft geng's Rheima a ka Kakau.
Mit de 4 Enkeln ka 'r a net oft spieln,
do tut mr n' Scheißkapitalismus su richtig spiern.
Holla di hio, holla di ho.
- In Belgien do draußen, wu's beinah regnt jedn Tog,
do is de Arbeit 'ne garschtige Plog.
Zen Glick is sei Fraa mit nieber gemacht,
dos hätt fei net jede fertig gebracht!
Holla di hio, holla di ho.

- In Belgien do draußen, wu mr när fremdsprachig latscht,
hot sich de Jutta a schu gut eigequatscht.
In de vierte Wuning is se dort schu gezugn.
Se fährt gern schnell Auto und hot Fraad an de Blum'.
Holla di hio, holla di ho.

- In Zwänz do weit draußen, wu de Baam su schie grie,
do hobn mr a wing gesunge noch ner alt'n Melodie.
Nu her'n mr aber auf mit dan damischen Lied,
s' gieht uns sist noch of unner Gemied.
Holla di hio, holla di ho.